fbpx

Saai verskaf platform vir reisdokumente tydens COVID-19-inperking

Written by Saai

On 25th Maart 2020

Saai, die organisasie vir familieboere, het ’n webgebaseerde platform vir familieboere en hulle werkers geskep waar noodsaaklike reisdokumente wat tydens die verpligte 21 dae lange COVID-19-inperking benodig word, opgelaai kan word.

Landbou- en voedselvoorsieningverwante operasies, insluitend boerdery-, veeartsenykundige en plantegesondheiddiensverskaffers, plaagbeheerdienste, en chemiese en kunsmisverskaffers is geklassifiseer as noodsaaklike dienste vir volgehoue besigheid wat die gesondheid en veiligheid van Suid-Afrikaners ondersteun. Tydens hierdie tydperk gaan familieboere en hulle werknemers na en van plase moet reis om in staat te wees om hulle onderskeie funksies en take te verrig.

“Ons webgebaseerde platform laat enige persoon wat as noodsaaklike dienste vir volgehoue besigheid in die landbousektor geklassifiseer word toe om noodsaaklike dokumente op te laai ten einde te bewys dat hulle reise wel wettig is binne die staat van inperking. Die stelsel stuur dan ’n e-pos aan deelnemers wat ’n PDF-dokument met al hulle inligting bevat. Saai sal ook ’n kaartjie aan intekenaars WhatsApp met ’n QR-kode wat al die nodige inligting sal bevat,” sê Francois Rossouw, uitvoerende hoof van Saai. QR-tegnologie is vrylik beskikbaar en kan by enige toepwinkel afgelaai word.

Saai voorsien ’n mate van frustrasie by padblokkades, veral tydens die vroeë stadium van die inperking. Gegewe die uitdagings om met owerhede op alle vlakke te kommunikeer, hoop Saai om ’n bydrae te lewer tot die ongehinderde voortsetting van die voedselketting deur die skep van hierdie digitale hulpmiddel, tesame met die samevoeging van pogings om ’n oplossing voor te stel en met die owerhede in gesprek te tree.

Hierdie diens is gratis en beskikbaar vir alle familieboere.
Toegang daartoe kan hier verkry word: https://bit.ly/COVID_Travel_Docs

You May Also Like…

Saai verteenwoordig tabakboere in hof

Saai verteenwoordig tabakboere in hof

Saai het vandag tabakboere se belange verteenwoordig in die saak van British American Tobacco South Africa (BATSA) en nege ander partye teen die Minister van Samewerkende Regering en Tradisionele Sake, dr. Nkosazana Dlamini-Zuma, en twee ander partye in die Wes-Kaapse...

Wynverbruik en -verkope: Saai binnekort in die hof

Wynverbruik en -verkope: Saai binnekort in die hof

Die familieboerorganisasie Saai sal die Noord-Gautengse Hooggeregshof in Pretoria op 18 Augustus 2020 dringend nader om die verbod op die verkoop en verbruik van wyn in restaurante ter syde te stel. Dié aansoek kom nadat President Cyril Ramaphosa op 12 Julie 2020 wéér...

Maak die emmer reg!

Maak die emmer reg!

 Of jy een liter water in ’n emmer vol gate gooi of ’n duisend liter, die uitkoms is dieselfde: daar sal niks oorbly nie. Die kern van Tito Mboweni, Minister van Finansies, se interimbegrotingsrede is dat daar nie meer genoeg water is om in die emmer te gooi nie,...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!